Terms and Conditions Page
Exceldatabank.lk
එක්සෙල් මංගල සේවයේ වෙබ් අඩවිය වන exceldatabank.lk වෙත ඔබ සාදරයෙන් පිළිගනිමු.
එක්සෙල් ඩේටා බෑන්ක් ආයතනය එක්සෙල් මංගල සේවය තුලින් ජනතාව වෙත සිය සේවාව සැපයීම සඳහා exceldatabank.lk වෙබ් අඩවිය තොරතුරු සැපයීමේ මාධ්‍යයක් ලෙස ප්‍රයෝජනය කර ගනියි.
ඔබ exceldatabank.lk වෙබ් අඩවියට පිවිසෙන්නේ නම් පහත සඳහන් කොන්දේසි පිළිගැනීමට බැඳී සිටිය යුතුය.
මෙම වෙබ් අඩවිය භාවිතයට අවසර ඇති අය.
ඔබගේ වයස අවුරුදු 18 කට වැඩිවිය යුතුය.
ගිවිසුමකට ඇතුළත් වීමට නීතිමය බාධාවන් නොතිබිය යුතුය.
පහතින් සඳහන් වන කොන්දේසි සියල්ල පිළිගැනීමට එකඟ විය යුතුය.
මෙම වෙබ් අඩවියට පිවිසෙන යම් අයෙකු පහත සඳහන් කොන්දේසි එකක් හෝ සියල්ලම පිළිගැනීමට සූදානම් නැතිනම් මෙම වෙබ් අඩවියට ඇතුළුවීමෙන් වැළකී සිටිය යුතුය.
ඔබ exceldatabank.lk වෙබ් අඩවියට ඇතුළු වන්නේ නම් පහතින් සඳහන් කොට ඇති සියළුම කොන්දේසි පිළිගන්නා බවට පිළියන්දල, මාවිත්තර, ආවාස පාරේ අංක 6 ස්ථානයේ ලියාපදිංචි කොට ඇති exceldatabank ආයතනය හා නීත්‍යානුකූල ගිවිසුමකට මෙයින් ඇතුලත් වේ.
1. අපගේ සේවය
මෙම සේවාව මගින් කෙරෙන්නේ විවාහ අපේක්ෂයින්ට තමන්ගේ රුචි පරිදි කෙනෙකු තෝරා ගැනීමට අවස්ථාවක් ලබා දීම පමණි. ඉන්පසු තවදුරටත් කටයුතු කරගෙන යාම ඔබ හා එකී පාර්ශවන්ගේ උවමනාව, කැමැත්ත හා එකඟතාවය මත පමණක් සිදුවේ. එවැනි සම්බන්ධතාවයක් පවත්වාගෙන යාම සඳහා කිසිම අයුරක අනුබල දීමක් හෝ බලපෑමක් exceldatabank ආයතනය මගින් සිදු නොකෙ‍රේ. යම් සම්බන්ධතාවයක් හේතුකොටගෙන කිසියම් පාර්ශවයකට සිදුවන ගැටළු, පාඩු හෝ මූල්‍යමය අවාසි සම්බන්ධයෙන් exceldatabank ආයතනය වගකියනු නොලැබේ.
තවද මෙම මංගල සේවයේ ලියාපදිංචි වී ඇති විවාහ අපේක්ෂකයින්ගේ විවාහක, අවිවාහකබව, පදිංචි ලිපිනය, රැකියාව ඇතුළු සම්පූර්ණ විස්තර වල සත්‍ය අසත්‍ය භාවය සොයා බැලීමට exceldatabank ආයතනය කිසිදු අන්දමේ වගකීමකට බැඳී නොමැත. මෙම වෙබ් අඩවිය තුලින් දැනගන්නා යම් කෙනෙකු සමඟ සම්බන්ධතාවයක් පටන් ගැනීමට පෙර ඔහු හෝ ඇය සපයා ඇති සියලු තොරතුරු වල සත්‍ය අසත්‍ය තාවය සොයාගැනීම තමාගේ කාර්ය භාරය හා වගකීම බව ඔබ පිළිගත යුතුය.
මෙම වෙබ් අඩවිය තුළින් හඳුනාගන්නා කිසිවකු සමඟ විවාහයට පෙර කිසිම මුදල් හෝ නිශ්චල හෝ චංචල දේපල ගනුදෙනුවකට සම්බන්ධ නොවන බවටද ඔබ එකඟවිය යුතු වේ.
2. වෙබ් අඩවිය භාවිතය
ඔබ ඇතුළු සියළුම සාමාජිකයන්ට වෙබ් අඩවිය භාවිතා කිරීම සඳහා සාමාජික අංකයක් හා PASSWORD එකක් ආයතනය මගින් ලබා දේ.
ඉන් පසු තමන්ට රිසි PASSWORD එකක් යොදාගෙන තමන්ගේ ගිණුම පවත්වාගෙන යාම සාමාජිකයාගේ වගකීම වේ. තමන්ගේ Profile එකේ වෙනස්කම් කර ගැනීම හා ගිණුම ආරක්ෂාකාරීව පවත්වාගෙන යාම තමන්ගේ වගකීම බව සාමාජිකයා පිළිගතයුතු වේ. Password එක සුරැකිව තබා ගත යුතු අතර තමන්ගේ ගිණුමේ යම් වෙනසක් සිදුවුවහොත් එහි වගකීම සාමාජිකයා බාරගත යුතු වේ.
3. නියමිත මුදල් ගෙවා මෙම වෙබ් අඩවියට ලියාපදිංචි වීමෙන් ඔබට ලැබෙන ප්‍රතිලාභ
1. ඔබගේ විස්තර සහිතව මංගල යෝජනාවක් මෙහි පළකර ගැනීමට හැකිවීම. ඔබට කටයුත්තක් තීන්දු වන තෙක් එය මෙහි තබාගත හැක.
2. මෙම වෙබ් අඩවියේ පලවී ඇති Profile වල දුරකථන අංක 100ක් මාස 6 ක කාලයක් දක්වා වෙබ් අඩවියෙන්ම ලබාගැනීමේ පහසුකම. තෝරා ගත් අයට ඇරයුම් 100 ක් යැවීමේ හැකියාවද ඇත.
3. ඔබ ලබාගන්නා සමහර දුරකථන අංක සමහරවිටෙක ක්‍රියාවිරහිත වී හෝ ප්‍රතිචාර නොදී හෝ තිබිය හැක. සමහරක් අය දැනට යෝජනා කතාකරගෙන යන අය විය හැක. එවැනි අවස්ථාවන් ගැන වෙන වෙනම සොයා බලා හේතු කියාසිටීමට ආයතනය වගකීමෙන් බැඳී නොමැත. දුරකථන අංක 100 ක්ම ලබාගැනීමට ඔබට අවස්ථාව සළසා දී ඇත්තේ එවැනි සම්බන්ධ කරගත නොහැකි අංක ඇති බව සැලකිල්ලට ගනිමිනි.
ඔබට යම් යෝජනාවක් කතා කරගෙන යන අතර තවත් යෝජනා ලැබෙමින් පවතින්නේ නම් ඔබගේ පහසුවට එම අයට "අපිට එකක් හරි ගියා කියන්නේ නැතුව" ආයාතනයට දැනුම් දීම ප්‍රථමයෙන්ම කලයුතු අතර ඉදිරියට කල යුතු දේ ගැන උපදෙස්ද ලබා ගත හැක. එවන් අවස්තාවකදී ඔබට කතා කරන්නා අපහසු තාවකට පත් නොකර "හොදයි විස්තර බලලා අපි කතා කරන්නම්" යනුවෙන් පැවසීම වඩා සුදුසුවේ.
4. සාමාජිකයන් වෙත කේන්දර ගලපා යෝජනා තැපෑලෙන් එවීමක් සිදු නොවේ. සෑම සාමාජිකයෙකුම වෙබ් අඩවියට පිවිස තමන්ට සුදුසු අය තෝරා ඔවුන්ගේ දුරකථන අංක ලබාගෙන එම පාර්ශවය සමග කතිකා කර ගත යුතුය. දෙපාර්ශවයම කැමති නම් පමණක් කේන්දර ගලපා ගැනීමට යොමුවීමෙන් අනවශ්‍ය වියදම් අඩුකර ගැනීමට හැක.
එක්සෙල් ඩේටා බෑන්ක් වෙබ් අඩවියෙන් දුරකතන අංකයක් ලබාගෙන කතා කරන බව පැවසුවොත් අනිවාර්යයෙන්ම ඔහුගේ හෝ ඇයගේ සාමාජික අංකය විමසා සිටිය යුතුවේ. සාමාජික අංකයක් නොදෙන අය සමග කිසිම සම්බන්දයක් නොපවත්වන ලෙස අප ආයාතනය ඔබට තරයේ අවවාද කරමු.
ඔවුන් දෙන පිළිතුරු ගැන ඔබට සාධාරණ සැකයක් පහල වන්නේ නම් ආයාතනය අමතා එම අයගේ සාමාජික අංකයෙන් අප ලග ඇති විස්තර විමසන ලෙස කාරුනිකව දන්වා සිටිමු.5. මාස 6 කට පසුව අංක 2 න් දැක්වෙන සේවාවන් තවදුරටත් ලබාගැනීමට ඔබට අවශ්‍ය නම් අලුත් කර ගැනීමක් සිදුකළ යුතු වේ. ඒ සඳහා ගෙවිය යුතු ගාස්තු ආයතනයට ඇමතුමක් ලබා දීමෙන් දැනගත හැකිවේ.
සෑම ගෙවීමකටම අදාළ පිළිගතහැකි සාක්ෂි ගෙවීම සිදුකොට සතියක් තුල WhatsAPP මගින් ඉදිරිපත් කොට ඇමතුමක් දිය යුතුය. කෙසේ වෙතත් මාස 6 ඉක්මවූ රිසිට්පත් හෝ සාක්ෂි කෙසේවත් භාර නොගන්නා බවට දැනුවත් වන්න.
6. ආයතනයේ ප්‍රතිපත්ති අනුව සාමාඡිකයකුගේ දුරකථන අංකය ලබා ගැනීමට අවසර ඇත්තේ තවත් සාමාජිකයෙකුට පමණි. පිටස්තර අයට ඒවා ලබා ගැනීමට අවකාශ නැත. සාමාජිකයන්ගේ දුරකථන අංක ප්‍රදර්ශණය වීම නිසා බාහිර පුද්ගලයින්ගෙන් සාමාඡිකයින්ට හිරිහැර වන අවස්ථා ඇති බැවින් ආයතනය එම පියවර ගෙන ඇත. එබැවින් වෙබ් අඩවියේ ඇති සෑම යෝජනාවකම දුරකථන අංක ප්‍රදර්ශණය කර නොමැත.
එහෙත් සමහරක් සාමාඡිකයින්ගේ බලවත් ඉල්ලීම නිසා රු 3000/- ක අමතර මුදලක් ගෙවීමෙන් මාස 6ක කාලයකට දුරකථන අංකය ප්‍රදර්ශණය කිරීමට අවස්ථාව ලබාදී ඇත. මෙලෙස බාහිර අයට දුරකථන අංකය ලැබීමෙන් එම සාමාජිකයින්ට යම් අපහසුතාවයකට මුහුණ දීමට සිදු වුවහොත් ඒ ගැන එක්සෙල් ඩේටා බෑන්ක් ආයතනය වග කියනු නොලැබේ.
බාහිර පුද්ගලයින්ට සාමාජිකයින් හා සම්බන්ද වීමේ අවස්ථාව අප විසින් අවහිර කර නොමැත. බාහිර පුද්ගලයින්ට සාමාජිකයින් වෙත නොමිලේ ලිපි යැවීමේ අවස්ථාව දිගටම ක්‍රියාත්මකයි.
4. පිටපත් කිරීම
මෙම වෙබ් අඩවියේ ඇති සියලුම දත්ත හා ඡායාරූප වල අයිතිය exceldatabank ආයතනය සතුවේ. මෙහි එන දත්ත හා ඡායාරූප කිසිවක් කුමන අන්දමකට හෝ පිටපත් කිරීමට කිසිවෙකුටත් අවසර නොමැත.
එය සම්පූර්ණයෙන්ම නීති විරෝධි ක්‍රියාවකි. මෙහි පලවී ඇති යම් ඡායාරූපයක් පිටපත් කර ලබා ගැනීමෙන් එම සාමාජිකයාට යම් ගැටලුවකට මුහුණු දීමට සිදුවුවහොත් එම වගකීමෙන් exceldatabank ආයතනය නිදහස් වන අතර එම ක්‍රියාව සිදු කළ පුද්ගලයා ඒ සම්බන්ධ සම්පූර්ණ වගකීම බාරගැනීමට බැඳී ඇත. එවැනි තැනැත්තෙකුට විරුද්ධව නීත්‍යානුකූල පියවර ගැනීමට එක්සෙල් ඩේටා බැන්ක් අයතනයට බලය ඇත.
5. වෙබ් අඩවියේ පලවී ඇති වෙළඳ දැන්වීම්
අනෙකුත් ඕනෑම වෙබ් අඩවියක මෙන් මෙම වෙබ් අඩවියේද වෙළඳ දැන්වීම් පලකර ඇත. මෙහි පලකර ඇති සෑම වෙළඳ දැන්වීමක්ම පාලනය කරනු ලබන්නේ Google ආයතනය විසිනි. එම දැන්වීම් වල අයිතිය ඔවුන් සතුය. එම දැන්වීම් සම්බන්ධව ක්‍රියාකිරීම ඔබගේ තනි කැමැත්ත ඇතිව සිදුවේ. ඒ සම්බන්ධව කිසිදු වගකීමක් දැරීමට exceldatabank ආයතනය නෛතිකව බැඳි නොමැත.
6. තොරතුරු වල රහස්‍යභාවය
සාමාජිකයෙකු විසින් exceldatabank ආයතනයට සපයා ඇති කිසිම තොරතුරක් පිටතට ලබා දීමට ආයතනය බැඳී නොමැත. එහෙත් නීතියේ අවශ්‍යතාවයක් මත එසේ කිරීමට සිදුවුවහොත් එයට අනුකූල වීමට අප බැඳී සිටී.
7. සාමාජිකත්වය ඉවත් කර ගැනීම
ඕනෑම සාමාජිකයෙකුට පහත දැක්වෙන ක්‍රියාපටිපාටිය අනුගමනය කිරීමෙන් ඕනෑම අවස්ථාවකදි තමන්ගේ සාමාජිකත්වය ඉවත් කරගත හැක. පළමුව ආයතනයට ඇමතුමක් දී තමන්ගේ අනන්‍යතාවය ඔප්පු කළ යුතු වේ. එයට අමතරව දින 14ක් ඇතුලත සාමාජිකත්වය ඉවත් කර ගැනීමට ලිඛිත ඉල්ලීමක් ලියාපදින්ච්චි තැපෑලෙන් එවිය යුතුයි.
එලෙසම පහත සඳහන් කුමන ක්‍රියාවක් නිසා හෝ ඔබගේ සාමාජිකත්වය ඉවත් කිරීමට exceldatabank ආයතනයට ඒක පාර්ශ්වික බලයක් ඇත.
1. තමන්ගේ නොවන දුරකථන අංක ඇතුලත් කිරීම
2. තමන්ගේ නොවන ඡායාරූප පලකිරීම
3. වෙබ් අඩවියේ ඇති දත්ත හා ඡායාරූප පිටපත් කිරීම හෝ සොරකම් කිරීම
4. දුරකථන ඇමතුම් වලට යහපත් ප්‍රතිචාර නොදීම හෝ එම අංකය භාවිතයේ
නොතිබීම.
5. තවමත් කටයුත්තක් තීන්දු නොවී තිබියදී හා තමන්ගේ පැතිකඩ ( Profile එක) වෙබ් අඩවියේ තබාගෙන සිටිමින් වෙනත් සාමාජිකයෙකු කතා කල විට ''අපට එකක් හරි ගිහිල්ලා'' යැයි කීම.
6. ආයතයනය විසින් සාමාජිකයාගේ ලිපිනයට තැපැල් මගින් යවනු ලබන ලිපි ආපසු ඒම
7. මෙම සේවය තුළින් හඳුනාගන්නා අය සමඟ මුදල් හෝ නිශ්චල හෝ චංචල දේපල ගනු‍දෙනු වලට සම්බන්ධ වීම.
8. ආයාතනයෙන් ලැබෙන සේවය ගැන සෑහීමකට පත්නොවීම.
9. . පවුලේ විස්තර හොදින් කියවා බලා තමන්ට ගලපේනම් පමණක් තෝරා ගන්න. විශේෂයෙන්ම අද්ධ්‍යාපනය බලන්න. පැමිණිලි ලැබුනහොත් profile එක ඉවත් කිරීමට සිදුවන බව කරුණාවෙන් සලකන්න.
10. මෙම ගිවිසුමේ සඳහන් කොන්දේසි එකක් හෝ එයට වැඩි ගණනක් කඩ කිරිම.
එමෙන්ම යම් සාමාජිකයෙකු විසින් තවත් සාමාජිකයෙකුට විරුද්ධව අප වෙත ඉදිරිපත් කරනු ලබන පැමිණිල්ලක් සම්බන්ධව නිසි විභාගයක් පැවැත්වීමෙන් පසුව එවැනි සාමාජිකයන්ගේ සාමාජිකත්වය අහෝසි කිරිමට exceldatabank ආයතනයට තනි බලය ඇත.
8. තමන්ගේ නොවන විස්තර ඇතුලත් කිරිම
යම් සාමාජිකයෙකු විසින් තමන්ගේ නොවන ඡායාරූපයක් හෝ දුරකථන අංකයක් තමන්ගේ Profile එකට ඇතුල් කොට ඇත්නම් ඒ බව දැනගන්නා යම් තැනැත්තෙකුට එම කරුණ සම්බන්ධව exceldatabank ආයතනයට දුරකථනයෙන් දැනුම් දීමට හැකි අතර exceldatabank ආයතනය වහාම ක්‍රියාත්මක වී එවැනි තොරතුරු වෙබ් අඩවියෙන් ඉවත් කිරීමට අවශ්‍ය පියවර ගනු ඇත.
මෙවැන්නක් කිරීමෙන් ඡායාරූපයේ හෝ දුරකථනයේ සැබෑ අයිතිකරුට විඳින්නට වන ඕනෑම අන්දමේ ගැටළුවක් හෝ පාඩුවක් සම්බන්ධ සම්පූර්ණ වගකීම එම සාවද්‍ය තොරතුරු තමන්ගේ Profile එකට ඇතුලත් කරගෙන සිටි සාමාජිකයා විසින් භාරගත යුතු අතර එක්සෙල් ඩේටාබෑන්ක් ආයතනය ඒ සියල්ලෙන්ම නිදහස් වේ. එවැනි තැනැත්තෙකුට විරුද්ධව නීතිමය පියවර ගැනීමට එක්සෙල් ඩේටා බැන්ක් ආඅයතනයට බලය ඇත.
9. මුදල් ආපසු දීමේ ප්‍රතිපත්තිය
ඉහත අංක 7 හා 8 යටතේ දක්වා ඇති එක් කරුණක් හෝ කරුණු කිහිපයක් නිසා හෝ සාමාජිකත්වය අහෝසි වූ පුද්ගලයෙකුට ඔහු හෝ ඇය විසින් ආයතනයට ගෙවූ මුදල් ආපසු ගෙවීමට exceldatabank ආයතනය බැඳී නොමැත.
එහෙත් මුදල් ගෙවා ලියාපදිංචි වන ඕනෑම සාමාජිකයෙකුට තමන්ට සතුටු දායක සේවයක් ආයතනය මගින් සැලසී නැතැයි සිතනවානම් මුදල් ගෙවූ දින සිට දින 10 ක් ඇතුලත ගෙවූ මුදල් ආපසු ලබාදෙන ලෙස ආයතනයට ඉල්ලීමක් කල හැක. ආයතනය විසින් සාමාජිකයාගේ ගිණුම පරීක්ෂා කොට, මෙම සේවය තුලින් කිසිදු ප්‍රයෝජනයක් ලබා ගෙන නොමැති බවට තහවුරු කරගැනීමෙන් පසු මුදල් ආපසු ලබාදීමට එකග වේ. මෙහිදී ඔබ වෙනත් අයගේ දුරකථන අංක ලබා ගැනීම හෝ ඔබගේ අංකය වෙනත් අය ලබා ගෙන තිබීම සැලකිල්ලට ගැනේ. ඔබ ලබා ගත් සියළුම දුරකථන අංක සහ ඔබගේ දුරකථන අංකය ලබාගත් සියළුම අයගේ විස්තර අපට ලබා ගත හැක. මුදල් ආපසු දීම සදහා සලකනු ලබන්නේ මෙම සාධකය පමණක් බවත් වෙනත් සාධක කිසිවක් නොසලකන බවටත් සාමාජිකයා එකග විය යුතුවේ.
10 ගිවිසුමේ සඳහන් කොන්දේසි
මෙම ගිවිසුමේ සඳහන් කොන්දේසි කිසිම පූර්ව දැනුම් දීමකින් තොරව වෙනස් කිරීමේ හෝ අළුතින් කොන්දේසි එකතු කිරීමේ බලය exceldatabank ආයතනය සතුය. එබැවින් කලින් කලට මෙම කොන්දේසි පරික්ෂා කිරීම ඔබගේ වගකීම වේ.
11. බලපවත්වන නීතිය
ඕනෑම සාමාජිකයෙකු exceldatabank ආයතනය වෙත ලියාපදිංචි වූ විට ඔහු හෝ ඇය exceldatabank ආයතනය සමඟ මෙම ලියවිල්ලේ සඳහන් කරුණු කාරණාවලට යටත්ව ගිවිසුමකට එළඹෙන බව සැලකෙන අතර එය පිළියන්දලදී නීතිගත වූ බවට සැලකේ.
12. ආරවුල් බේරුම් කිරීම
